ရခိုင်တိုင်းရင်းသားတို့ ဌာနေ စစ်တွေခရိုင်သို့

မောင်သာ(ရှေးဟောင်းသုတေသန)

ဓာတ်ပုံ ဇေယျာထွန်း(Sterling Travels and Tours)

 

ယဉ်ကျေးမှု အစဉ်အလာကြီးမားခဲ့သည့် ရခိုင်တိုင်းရင်းသားများ နေထိုင်သည့် ရခိုင် ပြည်နယ်သည် မြန်မာနိုင်ငံ၏ အနောက်ပိုင်း တွင်တည်ရှိသည်။ သမိုင်းတစ်လျောက် မြန်မာဘုရင်များနှင့် ခေတ်ပြိုင်နန်းပြိုင် မြို့ပြများတည်ထောင်ခဲ့သည့် ရခိုင်ပြည်နယ်တွင် ဒြပ်ရှိ ဒြပ်မဲ့ယဉ်ကျေးမှု အမွေအနှစ်များစွာ ကျန်ရှိနေသည့်အနက် မြောက်ဦး ရှေဟောင်းနယ်မြေကို ယူနက်စကို အဖွဲ့သို့ ကမ္ဘာ့ အမွေအနှစ်ဒေသအမည်စာရင်း တင်သွင်းရန် နိုင်ငံတော်အစိုးရက စီစဉ်လျက်ရှိသည်။

            ရခိုင်ပြည်နယ်ကို ခရိုင် ငါးခရိုင် မြို့နယ် ၁၇ မြို့နယ်ဖြင့် ဖွဲ့စည်းထားကာ ပြည်နယ်မြို့တော်သည် စစ်တွေမြို့ဖြစ်သည်။

လမ်းပန်းဆက်သွယ်ရေး တိုးတက်ကောင်းမွန်လာခဲ့သဖြင့် ယခင်က ရေလမ်းဖြင့်သာ အဓိက သွားရောက်နိုင်သည့် ရခိုင် ပြည် နယ်သို့ ယခုအခါတွင် ကုန်းလမ်းခရီးဖြင့် လျင်မြန်လွယ်ကူစွာ သွားရောက်နိုင်ကြပြီဖြစ်သည်။စစ်တွေနှင့် သံတွဲမြို့သို့ ယခင် ကပင် လေကြောင်းခရီးဖြင့် သွားလာနိုင်ခဲ့သည်။

 

ပြည်နယ်မြို့တော် စစ်တွေ

            ပြည်ထဲရေးဝန်ကြီးဌာန၏ မှတ်တမ်းများအရ အင်္ဂလိပ်မြန်မာ ပထမစစ်ပွဲ ဖြစ်ပွားပြီးနောက်  ၁၈၂၆ ခုနှစ် ဖေဖော်ဝါရီလ ၂၄ ရက်တွင် ရခိုင်ဒေသသည် ဗြိတိသျှတို့လက်အောက်သို့ကျရောက်ခဲ့သည်။ဗြိတိသျှတို့သည် အစောပိုင်းတွင် မြောက်ဦး၌ အခြေချကာ အုပ်ချုပ်ရေး လုပ်ငန်းများကို ဆောင်ရွက်ခဲ့သော်လည်း ၁၈၃၆ ခုနှစ်တွင် အချက်အချာပိုမိုကောင်းမွန်သည့် စစ်တွေ မြို့သို့ ပြောင်းရွှေ့ ရုံးစိုက်ခဲ့သည်။

            စစ်တွေမြို့သည် ကုလားတန်မြစ်ဝနှင့် မယူမြစ်ဝတို့ ဆုံသည့် နေရာတွင်ရှိသဖြင့် ပင်လယ်လေ ကောင်းစွာရရှိပြီး စစ် ရေးအရ အချက်အခြာကျသည့် နေရာလည်းဖြစ်သည်။ရှေးယခင်က စစ်တွေမြို့နေရာတွင် စခန်းချခဲ့သည့် စစ်တဲ ကြီးကို အစွဲပြု ၍ စစ်တဲမှ စစ်တေး၊ စစ်တွေဟု အဆင့်ဆင့်ပြောင်းလဲခဲ့သည်ဟု ဆိုသည်။စစ်တွေမြို့၏ အနောက်ဘက် နှစ်မိုင် အကွာ၌ အာ ကျပ်တော်ကုန်းရှိသဖြင့် ဗြိတိသျှတို့ သည် စစ်တွေမြို့ကို ထူထောင်ပြီးနောက် အာကျပ်(Akyab) ဟုေ ခ်ါဆိုခဲ့ကြသည်။

            စစ်တွေမြို့နယ်သည် အရှေ့မှ အနောက်သို့ ၉ ဒသမ ၈၈ မိုင်၊ တောင်မှမြောက်သို့ ၁၃ ဒသမ ၂၄ မိုင်ရှည်လျားပြီး

စစ်တွေမြို့၏ အကျယ်အ၀န်းသည် ခြောက်စတုရန်းမိုင်ဖြစ်သည်။စစ်တွေမြို့၏ အရှေ့ဘက်တွင် ပေါက်တောမြို့နယ်နှင့် ကုလား တန်မြစ်၊ အနောက်ဘက်နှင့် တောင်ဘက်တွင် ဘင်္ဂလားပင်လယ်အော်၊ မြောက်ဘက်တွင် ပုဏ္ဏားကျွန်းမြို့နယ်နှင့် ရသေ့ တောင် မြို့နယ်တို့ တည်ရှိနေသည်။

            စစ်တွေမြို့နယ်သည် တောင်ကုန်းတောင်တန်းများမရှိသည့် မြေမျက်နှာပြင်ညီညာသည့် ပင်လယ်ကမ်းခြေ ဒေသ ဖြစ် ကာ ပင်လယ်ရေမျက်နှာပြင် အထက် ၁၅ ပေသာမြင့်သည်။ ပူအိုက်စွတ်စိုသော ရာသီဥတုရှိပြီး လေးနှစ်အတွင်း ဆောင်း ရာသီ တွင်အနိမ့်ဆုံး အပူချိန်သည် ၁၃ ဒသမ ၇ ဒီဂရီ စင်တီဂရီတ်ဖြစ်၍ နွေရာသီ အမြင့်ဆုံးအပူချိန်သည် ၃၄ ဒသမ ၅ ဒီဂရီ စင်တီ ဂရိတ်ဖြစ်သည်။စစ်တွေမြို့နယ်တွင် နှစ်စဉ် မိုးရေချိန် လက်မ ၂၀၀ ကျော်ရွာသွန်းခဲ့သော်လည်း ၂၀၁၇ ခုနှစ်တွင် မိုးရေချိန် ၄၈ လက်မသာ ရွာသွန်းခဲ့သည်။

            ၂၀၁၇ ခုနှစ် မတ်လတွင် ထုတ်ပြန်သည့် စာရင်းများအရ စစ်တွေမြို့နယ်ကို ရပ်ကွက် ၃၃ ခု၊ ကျေးရွာအုပ်စု ၂၇ အုပ်စု၊ ကျေးရွာ ၈၇ ရွာဖြင့် ဖွဲ့စည်းထား၍ မြို့နယ် လူဦးရေ ၂၂၉၃၇၆ ဦးအနက် ရခိုင်တိုင်းရင်းသားများက ၁၃၆၈၆၉ ဦးရှိကာ အများ ဆုံးဖြစ်သည်။

            စစ်တွေမြို့တွင် လေယာဉ်ကွင်းတစ်ခု၊ ရဟတ်ယာဉ်ကွင်းခြောက်ခုနှင့် သင်္ဘောဆိပ်များရှိကာ လေယာဉ်ကွင်းရှိသော မြို့များသို့ လေယာဉ်ဖြင့် သွားရောက်နိုင်သကဲ့သို့ ရေကြောင်း ခရီးဖြင့် ရေမိုင် ၈၀ ကွာဝေးသည့် ဘူးသီးတောင်၊ ရေမိုင် ၄၀ ကွာ ဝေးသည့် ရသေ့တောင်၊မြောက်ဦး၊ မင်းပြား၊ရေမိုင် ၁၆ မိုင်ကွာဝေးသည့် ပုဏ္ဏားကျွန်း၊ ရေမိုင် ၁၂၈ ကွာဝေးသည့် ကျောက်ဖြူ၊ ရေမိုင် ၂၂၄ မိုင်ကွာဝေးသည့် တောင်ကုတ်၊မာန်အောင်၊ ရေမိုင် ၁၇၆ မိုင်ကွာဝေးသည့် ရမ်းဗြဲ၊ရေမိုင် ၇၀ ကွာဝေး သည့်ကျောက်တော်၊ရေမိုင် ၆၄ မိုင်ကွာဝေးသည့် မြေပုံနှင့်ရေမိုင် ၁၆ မိုင်ကွာဝေးသည့် ပေါက်တောမြို့တို့သို့ သွားရောက်နိုင် သည်။ ယခုအခါတွင်ရန်ကုန်မြို့ မှ ၅၃၄ မိုင်ကွာဝေးသည့် စစ်တွေမြို့သို့ မော်တော်ကားဖြင့် တိုက်ရိုက်သွားနိုင်ပြီဖြစ်သည်။

စီးပွားရေးကောင်းမွန်သော စစ်တွေ မြို့တွင် အဓိက ရောင်းဝယ်ဖောက်ကားနေသည့် ဈေးကြီး နှစ်ခုမှာ ဆိုင်ခန်း ၈၂၆ ခန်းရှိသည့် မြို့မဈေးကြီးနှင့် ဆိုင်ခန်း ၁၄၄ ခန်းရှိသည့် မေယုဈေးတို့ဖြစ်ကြသည်။

            စစ်တွေမြို့၌ စစ်တွေတက္ကသိုလ်၊ စစ်တွေနည်းပညာတက္ကသိုလ်နှင့် စစ်တွေကွန်ပျူတာ တက္ကသိုလ်တို့ကို ဖွင့်လှစ်ထား ကာ မြို့နယ်အတွင်း၌ အထက်တန်းကျောင်း ရှစ်ကျောင်း၊ အထက်တန်းကျောင်းခွဲ ခြောက်ကျောင်း၊ အလယ်တန်းကျောင်း ခြောက်ကျောင်း အပါအ၀င် အလယ်တန်းကျောင်းခွဲများ၊ မူလတန်းကျောင်းများ၊ မူလတန်းလွန်ကျောင်းများ၊ မူလတန်းကြို ကျောင်းများကို ဖွင့်လှစ်ထားသည်။

            မြို့နယ်အတွင်းနေထိုင်ကြသည့် ပြည်သူများအား ကုတင် ၅၀၀ ဆန့်ပြည်နယ်အစိုးရဆေးရုံကြီးနှင့် ၁၆ ကုတင်ဆန့် ဆေးရုံ တစ်ရုံ၊အနာကြီးရောဂါ၊ အဆုပ်ရောဂါနှင့်ငှက်ဖျားရောဂါကု ဆေးခန်းသုံးခန်း၊ကျေးလက်ကျန်းမာရေးဌာနခွဲ ၂၄ ခု တို့က ကျန်းမာရေး စောင့်ရှောက်မှုများ ဆောင်ရွက်ပေးလျက်ရှိသည်။

            စစ်တွေမြို့နယ်အတွင်း ဘုရားစေတီ ၁၀ ဆူ၊ ဘုန်းကြီးကျောင်း ၁၇၂ ကျောင်း၊သီလရှင်ကျောင်း လေးကျောင်းရှိကာ

၂၀၁၇ ခုနှစ် စာရင်းများအရ ရဟန်း ၁၀၃၀ပါး၊ သာမဏေ ၁၆၉၉ ပါးနှင့် သီလရှင် အပါး ၂၄၀ သီတင်းသုံးလျက်ရှိနေသည်။ စစ်တွေကန်တော်ကြီး၊ ကိုးန၀င်း အေးစေတီ၊ လက်ဝဲ သလုံးတော်ဓာတ်စေတီ၊ လောကနန္ဒာစေတီ၊ သကျမုနိ သံကျောင်း ဘုရားကြီးနှင့် အတုလမာရဇိန် ပြည်လုံးချမ်းသာ ဘုရားတို့သည် အထင်ရှားဆုံးဖြစ်သည်။စစ်တွေမြို့ ရှုခင်းသာနေရာတွင် မြန်မာနိုင်ငံ၏ ပထမဆုံးမီးပြတိုက်မျှော်စင်ကို ၁၈၄၄ ခုနှစ်တွင်တည်ဆောက်ခဲ့သည်။

စစ်တွေသည် ရခိုင်ပြည်နယ်မြို့တော်ဖြစ်ပြီး လမ်းပန်းဆက်သွယ်ရေးကောင်းမွန်ကာ အခြေခံအဆောက်အအုံများပြည့် စုံသဖြင့် ရခိုင်ပြည်နယ်၏ အစည်ကား အဖွံ့ဖြိုးဆုံးမြို့ဖြစ်ပေသည်။

 

ပုဏ္ဏားကျွန်း

          စစ်တွေခရိုင်ကို စစ်တွေ ၊ ပုဏ္ဏားကျွန်း၊ ရသေ့တောင်နှင့် ပေါက်တောမြို့နယ်များဖြင့် ဖွဲ့စည်းထားရာ ပုဏ္ဏားကျွန်းမြို့ နယ်သည် ကုလားတန်မြစ်၏ လက်ဝဲဘက်တွင်တည်ရှိသည်။ပုဏ္ဏားကျွန်းသည် စစ်တွေမှ မော်တော်ကားလမ်းဖြင့် ၂၁ မိုင်သာ ကွာဝေးသည်။

            ရှေးအခါက မြောက်ဦးမှ အခါတော်ဆက် ပုဏ္ဏားများကို အမျိုးရောယှက်မှုမရှိစေရန် နေထိုင်ခွင့်ပြုခဲ့သည့် နေရာသည် ပုဏ္ဏားကျွန်းဟု အမည်တွင်ခဲ့သည်ဟု ဆိုကြသည်။ပုဏ္ဏားကျွန်းသည် ရခိုင်ဘုရင်များ လက်ထက်က ဦးရာဇ်တောင်မြို့ဟု ထင် ရှားခဲ့ကာ ပထမ အင်္ဂလိပ် မြန်မာစစ်ပွဲပြီးဆုံးပြီး ခရစ်နှစ် ၁၈၇၇ ခုနှစ်၊ ဧပြီလ ၁ ရက်တွင် ရသေ့တောင်မြို့နယ်ခွဲဖြစ်ခဲ့ပြီး ၁၈၉၁ ခုနှစ် ဇူလိုင်လ ၁ ရက်တွင် ကျောက်တော်မြို့နယ်ခွဲဖြစ်ခဲ့သည်။ထိုစဉ်က ပုဏ္ဏားကျွန်းသည် ဦးရာဇ်တောင် စေတီတော် ခြေရင်းရှိ မင်းဂံနှင့် နတ်ဆိတ်မ ရွာအနီးတွင် တည်ရှိခဲ့သည်။

            ဦးရာဇ်တောင်မြို့သည် ၁၈၆၈ ခုနှစ် အောက်တိုဘာလ ၂၃ ရက် (မြန်မာသက္ကရာဇ် ၁၂၃၀ ပြည့်နှစ် တန်ဆောင်မုန်း လဆန်း ၉ ရက်)တွင် မုန်တိုင်းဒဏ်ကြောင့် များစွာပျက်စီးခဲ့သဖြင့် ယခု ပုဏ္ဏားကျွန်းမြို့နေရာသို့ ပြောင်းရွှေ့ခဲ့သည်။

            ပုဏ္ဏားကျွန်းမြို့နယ် သည် အရှေ့မှ အနောက်သို့ ၂၁ မိုင်၊ တောင်မှမြောက်သို့ ၅၅ မိုင်ရှည်လျားကာ ပုဏ္ဏားကျွန်းမြို့ ၏ အကျယ်အ၀န်းသည် သုည ဒသမ ၅၂ စတုရန်းမိုင်သာရှိသည်။ပုဏ္ဏားကျွန်းမြို့၏ အရှေ့ဘက်တွင် ပေါက်တောမြို့နယ်နှင့် မြောက်ဦးမြို့နယ်၊ အနောက်ဘက်တွင် ရသေ့တောင်မြို့နယ်နှင့် ဘူးသီးတောင်မြို့နယ်၊ တောင်ဘက်တွင်စစ်တွေမြို့နယ်၊ မြောက်ဘက်တွင် ရသေ့ တောင် မြို့နယ်တို့ တည်ရှိနေသည်။

            ပုဏ္ဏားကျွန်းသည်  ပင်လယ်ရေမျက်နှာပြင်အထက် ပေ ၂၀ မြင့်၍ မြို့နယ်မြောက်ပိုင်းသည် ကုန်းမြင့်ဒေသဖြစ်၍ မြို့နယ် တောင်ပိုင်းသည် မြေပြင် ညီညာသော  လွင်ပြင်ဒေသဖြစ်သည်။မြို့နယ်၏ ရာသီဥတုသည် ပူအိုက်စွတ်စိုသည့် မုတ်သုံ ရာသီဖြစ်ကာ အပူချိန်သည် ၁၃ ဒီဂရီ စင်တီဂရိတ်နှင့် ၃၆ ဒီဂရီစင်တီဂရီတ်အကြားဖြစ်သည်။

            ၂၀၁၇ ခုနှစ် အောက်တိုဘာလတွင် ထုတ်ပြန်သည့် စာရင်းများအရ ပုဏ္ဏားကျွန်းမြို့နယ်ကို ရပ်ကွက် ၄ ခု၊ ကျေးရွာ အုပ်စု ၉၂ အုပ်စု၊ ကျေးရွာ ၁၉၃  ရွာဖြင့် ဖွဲ့စည်းထားကာ မြို့နယ် လူဦးရေ ၂၁၃၇၈၄၅ ဦးအနက် ရခိုင်တိုင်းရင်းသား များက ၁၂၂၀၇၀ ဦးရှိကာ အများဆုံးဖြစ်ပြီး မြို့နယ်လူဦးရေ ၉၈ ရာခိုင်နှုန်းသည် ဗုဒ္ဓဘာသာကို ကိုးကွယ်ကြသည်။

            မြို့နယ်နေပြည်သူများအား ကျန်းမာရေးစောင့်ရှောက်မှုပေးနိုင်ရန် ၂၅ ကုတင်ဆန့် ပြည်သူ့ဆေးရုံ တစ်ရုံနှင့် ၁၆ ကုတင်ဆန့် တိုက်နယ်ဆေးရုံ နှစ်ရုံ ဖွင့်ထားသည်။ထို့အတူ အထက်တန်းကျောင်း ငါးကျောင်း၊အထက်တန်းကျောင်းခွဲ ခုနစ် ကျောင်းအပါအ၀င် အခြေခံပညာကျောင်းများကိုလည်း ဖွင့်လှစ်ထားသည်။

            ပုဏ္ဏားကျွန်းမြို့နယ်အတွင်း၌ ဘုရားစေတီ ၁၁၅ ဆူ၊ ဘုန်းကြီးကျောင်း ၁၈၆ ကျောင်း၊သီလရှင်ကျောင်း ရှစ်ကျောင်းရှိ ကာ၂၀၁၇ ခုနှစ် စာရင်းများအရ ရဟန်း ၃၈၈ ပါး၊ သာမဏေ ၄၆၅ ပါးနှင့် သီလရှင် ၃၃ ပါး သီတင်းသုံးလျက်ရှိနေသည်။ ပုဏ္ဏား ကျွန်းမြို့နယ်တွင် စေတီရင်းကျေးရွာရှိ ဦးရာဇ်တောင်တော်စေတီ၊ရွာဟောင်းရပ်ကွက်ရှိ  စမြုံတော် ဓာတ်စေတီနှင့် ဂူဝဘုရား တို့သည်  ထင်ရှားကြသည်။

 

ရသေ့တောင်

စစ်တွေမြို့၏ တောင်ဘက်တွင်တည်ရှိသည့် ရသေ့တောင်မြို့နယ်ကို ခရစ်နှစ် ၁၈၆၃ ခုနှစ်တွင် ဖွဲ့စည်းခဲ့သည်။မြို့၏ မြောက်ဘက်ရှိ တောင်တွင် ရှေးအခါက ရသေ့ကိန်းအောင်းနေထိုင်ခဲ့ခြင်းကို အစွဲပြုလျက် ရသေ့တောင်ဟု အမည်တွင်ခဲ့သည်။ ၁၉၆၀ ပြည့်နှစ် ဇူလိုင်လ ၂၅ ရက်တွင် ဘူးသီးတောင်မြို့နယ်နှင့် မောင်တောမြို့နယ်တို့ကို နယ်ခြားခရိုင်အုပ်ချုပ်ရေး အောက် သို့ ထည့်သွင်းခဲ့ပြီး ရသေ့တောင်မြို့နယ်အတွင်းမှ ကျေးရွာအုပ်စု ၂၉ အုပ်စုကို လွှဲပြောင်းပေးခဲ့ပြီး ၁၉၇၂ ခုနှစ်တွင် ယင်းကျေး ရွာ အုပ်စုများကို ရသေ့တောင်မြို့နယ် အောက်သို့ ပြန်လည် ထည့်သွင်းခဲ့သည်။

            လက်ရှိရသေ့တောင်မြို့နယ်သည် အရှေ့မှ အနောက်သို့ ၁၂ မိုင်နှင့် တောင်မှမြောက်သို့ ၃၄ မိုင်ရှည်လျားကာ ရသေ့ တောင်မြို့မှာမူ ၁ ဒသမ ၇၃ စတုရန်းမိုင်ကျယ်ဝန်း၍  အရှေ့ဘက်တွင် ပုဏ္ဏားကျွန်းမြို့နယ်၊ အနောက်ဘက်တွင် မောင်တော မြို့နယ်နှင့် ဘူးသီးတောင်မြို့နယ်၊ တောင်ဘက်တွင် စစ်တွေမြို့နယ်၊ မြောက်ဘက်တွင် ဘူးသီးတောင်မြို့နယ်နှင့် နယ်နိမိတ် ဆက်စပ်နေသည်။ ၂၀၁၇ ခုနှစ် အောက်တိုဘာလတွင် ထုတ်ပြန်သည့် စာရင်းများအရ ရသေ့တောင်မြို့နယ်ကို ရပ်ကွက် ၄ ခု၊ ကျေးရွာ အုပ်စု ၈၈ အုပ်စု၊ ကျေးရွာ ၁၉၆  ရွာဖြင့် ဖွဲ့စည်းထားကာ မြို့နယ် လူဦးရေ ၁၃၆၇၁၆ ဦးအနက် ရခိုင်တိုင်းရင်းသား ဦးရေသည် မြို့နယ်လူဦးရေ၏ ၉၂ ဒသမ ၁၉ ရာခိုင်နှုန်းဖြစ်သည့် ၁၂၅၇၉၅  ဦးဖြစ်သည်။ ရသေ့တောင်မြို့နယ်တွင် ဗုဒ္ဓဘာသာ ကို ကိုးကွယ်သည့် လူဦးရေသည် ၁၂၇၃၁၇ ဦးဖြစ်သည်။

            ရသေ့တောင်မြို့သည် မယူမြစ်ဝမှ မိုင် ၂၀ အကွာ လက်ယာဘက်ခြမ်းတွင်တည်ရှိပြီး  မယူမြစ်သည် ရသေ့တောင်မြို့ နယ် အတွင်း မြောက်မှတောင်သို့ ဖြတ်သန်းကာ ဘင်္ဂလားပင်လယ်အော်အတွင်းသို့ စီးဝင်လျက်ရှိသည်။ ရသေ့တောင် မြို့ နယ်တွင်အငူမော်ကမ်းခြေနှင့် ဒုံးပိုက်ကမ်းခြေတို့ရှိသော်လည်း ခရီးသွားများ လာရောက်လည်ပတ်မှု နည်းပါးသည်။

            မြို့နယ်အတွင်း၌ အစိုးရအထက်တန်းကျောင်း ရှစ် ကျောင်း၊အထက်တန်းကျောင်းခွဲ ငါးကျောင်း၊အလယ်တန်းကျောင်း လေးကျောင်း၊ အလယ်တန်းကျောင်းခွဲ ၁၇ ကျောင်းအပါအ၀င် အခြေခံပညာသင်ကျောင်းများ၊ ၂၅ ကုတင်ဆန့် မြို့နယ်ဆေးရုံ၊ ၁၆ ကုတင်ဆန့်တိုက်နယ်ဆေးရုံ သုံးရုံတို့ ဖွင့်လှစ်ထားသည်။ဗုဒ္ဓဘာသာဆိုင်ရာ သာသနိက အဆောက်အဦများဖြစ်သည့် ဘုရား၊ စေတီ၊ ပုထိုး ၈၇ ဆူနှင့် ဘုန်းကြီးကျောင်း ၂၀၀ ရှိကာ ရဟန်း ၃၁၅ ပါး၊ သာမဏေ ၄၆၁ ပါးနှင့် သီလရှင် အပါး ၂၀ သီတင်းသုံးလျက်ရှိသည်။

            ရသေ့တောင်မြို့နယ်အတွင်း ထင်ရှားသည့် ဘုရား၊စေတီ၊ပုထိုးများတွင် ရသေ့တောင်မြို့ပေါ်ရှိ စေတီတောင်ဘုရား၊ ကဿပညီနောင် ရှင်တစ်ထောင်ဘုရားနှင့် သာစည်ထောင့်ကျေးရွာမှ ဗုဒ္ဓပါဒ ခြေတော်ရာစေတီတို့ပါဝင်သည်။

            ရသေ့တောင်မြို့နယ်နေပြည်သူများသည် စိုက်ပျိုးရးနှင့် မွေးမြူရေး လုပ်ငန်းဖြင့် အဓိက အသက်မွေးကြကာ လမ်းပန်း ဆက်သွယ်မှုခက်ခဲမှုများရှိနေသေးသဖြင့် စီးပွားရေး ဖွံ့ဖြိုးမှု နည်းပါးသည့်မြို့နယ်တစ်ခုဖြစ်ပေသည်။

 

ပေါက်တော

            စစ်တွေမြို့၏ အရှေ့ဘက်တွင်တည်ရှိသည့် ပေါက်တောမြို့ကို ခရစ်နှစ် ၁၇၈၈ ခုနှစ်တွင် တည်ထောင်ခဲ့သည်။ပြည် ထဲရေးဝန်ကြီးဌာန မှတ်တမ်းများအရ ရမ္မာဝတီ၊ ဇင်းချောင်းကျေးရွာမှ ရွာစားဦးစံဖြူအောင်နှင့် ဇနီး ဒေါ်မိလှမေသည် သရွဲ ကျေးရွာမှ ဦးမြဖော်အောင်၏ စားကျက်မြေကို ရခိုင်ဒင်္ဂါးငွေ ၃၀ ဖြင့်ဝယ်ယူကာ စားကျက်အတွင်း၌ ပေါက်ရောက်နေသည့်

ပေါက်ပင်များကို ရှင်းလင်းကာ မြန်မာသက္ကရာဇ် ၁၁၄၆ ခုနှစ်(ခရစ်နှစ် ၁၇၈၈ ခုနှစ်) တွင်သရွဲပေါက်တောရွာကို တည်ခဲ့သည်။

ယင်းနေရာတွင် ပေါက်ပင်များသည် တောသဖွယ်ဖြစ်နေခဲ့သဖြင့် ပေါက်တောဟု အမည်တွင်ခဲ့သည်။

            ဗြိတိသျှအစိုးရသည် ရေလမ်းအချက်အချာကျသည့် သရွဲပေါက်တောရွာကို ခရစ်နှစ် ၁၈၉၈ ခုနှစ်တွင် မြို့ပိုင်ရုံးထိုင် သည့် မြို့ ဟု သတ်မှတ်၍ ပေါက်တောမြို့ဟု ခေါ်တွင်ခဲ့သည်။တော်လှန်ရေးကောင်စီ အစိုးရလက်ထက် ၁၉၇၂ ခုနှစ်၊ ဒီဇင်ဘာ လ ၁၂ ရက်တွင် ပေါက်တောကို (ခ) အဆင့်မြို့နယ်အဖြစ် သတ်မှတ်ခဲ့သည်။

            ပေါက်တောမြို့နယ်သည် အရှေ့မှ အနောက်သို့ ၁၉ မိုင်၊ တောင်မှ မြောက်သို့ မိုင် ၄၀ ရှည်လျား၍ ပေါက်တောမြို့ မှာမူ သုည ဒသမ ၁၄ စတုရန်းမိုင်သာ ကျယ်ဝန်းသည်။ပေါက်တောမြို့သည် စစ်တွေမြို့နယ်နှင့် ပုဏ္ဏားကျွန်းမြို့နယ်၏ အရှေ့ ဘက်၊ မင်းပြားမြို့နယ်၏ အနောက်ဘက်၊ မြောက်ဦးမြို့နယ်၏ တောင်ဘက်တွင်တည်ရှိနေသည်။ပေါက်တောမြို့နယ်သည် ပင်လယ်ရေမျက်နှာပြင်အထက် ၁၁ ပေသာမြင့်ကာ မြို့နယ် တောင်ဘက်ပိုင်းသည် ဘင်္ဂလားပင်လယ်အော်နှင့် ထိဆက်နေပေ သည်။

            ပေါက်တောမြို့နယ်ကို ရပ်ကွက် ငါးရပ်ကွက်၊ ကျေးရွာအုပ်စု ၅၃ အုပ်စု၊ကျေးရွာ ၁၇၇ ရွာဖြင့် ဖွဲ့စည်းထားကာ မြို့နယ် လူဦးရေ ၁၈၇၀၀၀ ဦးအနက် ၁၅၄၃၂၆ ဦးသည် ရခိုင်တိုင်းရင်းသားများဖြစ်ကြပြီး မြို့နယ် လူဦးရေအများစုသည် ဗုဒ္ဓဘာသာကို ကိုးကွယ်ကြသည်။ ပေါက်တောမြို့ပေါ် ရပ်ကွက်အသီးသီးတွင် နေထိုင်သူ ဦးရေသည် ၁၈၈၀၄ ဦး သာရှိသည်။

            ပေါက်တောမြို့နယ်တွင် ၂၅ ကုတင်ဆန့် အစိုးရဆေးရုံတစ်ရုံနှင့် ၁၆ ကုတင်ဆန့် တိုက်နယ်ဆေးရုံ တစ်ရုံ ဖွင့်လှစ် ထားသည်။ဒေသနေ ကျောင်းသားကျောင်းသူများပညာသင်ယူနိုင်ရန် အစိုးရအထက်တန်းကျောင်းငါးကျောင်း၊ အထက်တန်း ကျောင်းခွဲ ခုနစ်ကျောင်း၊ အစိုးရအလယ်တန်းကျောင်း ခုနစ်ကျောင်း၊ အလယ်တန်းကျောင်းခွဲ ၂၇ ကျောင်းအပါအ၀င် အခြေခံ ပညာကျောင်းများကို ဖွင့်လှစ်ထားသည်။

            ပေါက်တောမြို့နယ်တွင် ဘုရားစေတီ ၂၉ ဆူနှင့် ဘုန်းကြီးကျောင်း ၂၄၄ ကျောင်းရှိပြီး ရဟန်း ၃၃၉ ပါး၊ သာမဏေ

၄၃၂ ပါးနှင့် သီလရှင် အပါး ၂၀ သီတင်းသုံးလျက်ရှိသည်။မြို့နယ်အတွင်းရှိ ထင်ရှားသည့် ဘုရားစေတီများတွင်  မြေငူကျွန်းရှိ

ဆံတော်ရှင်စေတီ၊ အနောက်ပိုင်းရပ်ကွက်ရှိ လည်ရိုးတော် ဓာတ်စေတီ၊တောင်ညိုရှိ တောင်ညို လိုဏ်ဂူဘုရား၊ကျောက်စုရှိ ၀မ်းတော်ဓာတ်စေတီတို့ပါဝင်သည်။

            ပေါက်တောမြို့သည် ကျွဲကူးမြစ်၏ လက်ဝဲဘက်ကမ်းတွင်တည်ရှိ၍ မြို့၏ တောင်ဘက်တွင် ဖရုံကာ ကျွန်းသုံးကျွန်း အပါအ၀င် ကျွန်း ရှစ်ကျွန်းရှိသည်။

            မြန်မာနိုင်ငံ၏ အနောက်မြောက်ယွန်းယွန်းတွင်တည်ရှိသည့် စစ်တွေခရိုင်သည် လမ်းပန်းဆက်သွယ်ရေး တိုးတက် ကောင်းမွန်ခဲ့ပြီးနောက် အကြောင်းကိစ္စမျိုးစုံဖြင့် သွားရောက်ကြသူများတိုးတက်များပြားလာခဲ့သည်။အထူးသဖြင့် မြောက်ဦး ရှေးဟောင်းမြို့တော်သို့ သွားရာက်ကြသူများသည် စစ်တွေမြို့သို့ ၀င်ရောက်လေ့ရှိကြကာ ရခိုင်တိုင်းရင်းသားများ၏ ယဉ်ကျေး မှု အမွေအနှစ်များကို လေ့လာနိုင်ကြပေသည်။

 

မြန်မာ့အလင်းသတင်းစာ ၅ ၊ ၃ ၊ ၂၀၁၉ ။